Міжнародны дзень роднай мовы

21 лютага ўвесь свет адзначае Міжнародны дзень роднай мовы. З самай раніцы ў нашай школе сапраўднае свята! Гучалі любімыя песні на нашай роднай беларускай мове ў выкананні майстроў сцэны. Але самым займальным стала спаборніцтва паміж настаўнікамі і вучнямі на веданне і выкананне песень на роднай мове. 2 перапынкі ішла барацьба. Перамаглі мацнейшыя!

Вельмі спадабалася вучням акцыя «Любімыя словы на роднай мове». Удзельнічала ўся школа: настаўнікі, вучні з 4 па 11 клас.

Вучні 5 -7 класаў з задавальненнем удзельнічалі ў гульні «Матчына мова», дзе прадэманстравалі цудоўныя веды па мове і літаратуры.